БНСУ-ын Шинжлэх ухаан технологийн дэвшилтэт хүрээлэнгийн (KAIST) судлаачид саажилттай хүмүүст алхах, саад тотгор дээгүүр давах, шатаар авирах зэрэгт туслах зориулалттай WalkON Suit F1 хэмээх өмсөж болох роботыг бүтээжээ. 50 кг жинтэй робот нь хөнгөн цагаан, титанаар хийгдсэн бөгөөд хүний ​​үе мөчний хөдөлгөөнийг дуурайдаг 12 электрон мотороор ажилладаг.

Секундэд 1000 дохиог хянадаг мэдрэгчээр тоноглогдсон, хэрэглэгчийн тэнцвэрийг хангаж урд талын линз нь хүрээлэн буй орчныг шинжилж, саад тотгорыг илрүүлж, шатны өндрийг хэмждэг. Энэхүү баг нь “Төмөр хүн" киноноос санаа авсан энэхүү технологийг хөгжлийн бэрхшээлтэй хүмүүсийн өдөр тутмын амьдралд саадгүй нэвтрүүлэх зорилготой. Багийн гишүүн Ким Сын Хван өөрөө саажилттай тул энэхүү роботыг өмсөн 3.2 км/цаг хурдтай алхаж, шатаар өгсөж, хажуу тийшээ маневр хийж, сандал дээр суун системийн чадваруудыг бодитоор харуулжээ. 

Ким мөн туслах роботын технологийг харуулсан Cybathlon 2024 тэмцээнд экзоскелетоны төрөлд алтан медаль хүртсэн байна. Зураг: KAIST