Өнөөдөр Баянгол дүүргийн иргэдтэй уулзаж ярилцлаа. Олон мянган хүний хамгийн том асуудал бол угсармал байрнуудын дулаалга болж байна. Нам үл харгалзан нийслэлийн дүүргүүд, аймгийн төвүүдээс гишүүд, төлөөлөгчид хамгийн олон хүний эрх ашгийг түгээмлээр хөндөж байгаа энэ асуудлыг шийдэхэд анхаармаар байна.

Хувь хүний хөрөнгийг дулаалж өгөх мэт өнгөн дээрээ харагдавч үнэн хэрэг дээрээ улсын төсвийг ХЭМНЭХ ба дараах үндэслэл байна:

1. Дулаалснаар эрчим хүчний хэмнэлт нь дулаан, цахилгааны үнэ өсөхийн эсрэг баланс болно.

2. Их хэмжээний дулааны эх үүсвэр суларч, түүнийг шинэ барилгуудын дулаан хангамжид ашиглаж болно. Ингэснээр дулааны эх үүсвэр шинээр барих ТӨСӨВ ХЭМНЭНЭ! Энэ бол байшин дулаалах зардлаас хавьгүй их мөнгө юм.

3. Хамгийн бага зардлаар хамгийн ихээр СО2 буурах тул Даян дэлхийн уур амьсгалын сан болон бусад эх үүсвэрээс санхүүжилт босгох боломжтой. Гэхдээ санхүүжилт авахын тулд зардлын зарим хэсгийг дотоодоос гаргах шаардлагатай. Нийслэл, дүүргийн төсвөөр цөөн байр дулаалж байгаа нь хэт удаан байна. GIZ зэрэг төслийн хувьд хамрах хүрээ нь хязгаарлагдмал байна. Иймд сонгогдсон дүүрэг, аймгийн төвүүдэд байгаа энэ түгээмэл асуудлыг шийдэхэд 2026 оны улсын төсөв дээр гишүүд анхаарна гэж найдаж байна.

4. Зарим өндөр өртөгтэй эргэлзээтэй төслүүдийн хажууд жинхэнээсээ олон хүнд хэрэгтэй, төрийн оролцоотой хийх МЕГА төсөл бол өргөн далайцтай УГСАРМАЛЫН ДУЛААЛГА болно.

5. Одоо дулаалж, хийц, насжилтыг уртасгахгүй бол бол 10 жилийн дараанаас эхлээд л олон мянган орон сууц ашиглалтаас зэрэг зэрэг гарч төрөөс шийдэл хүлээсэн нүсэр асуудал босч ирнэ. Нээрэнгээсээ алсыг харцгаая!

‍