Чернобылийн АЦС-ийн 4-р блокт дэлбэрэлт болсон аймшигт ослын үеэр манай гаригийн сая сая хүний амь насыг аварч өөрсдийнхөө амийг өгсөн хатан зоригт 3 инженерийн тухай товчлон хөврүүлэв.

Чернобылиэр тогтохгүй бүр Европыг сүйтгэх аймшигт гамшигаас 3 инженер аварсаныг хүн төрөлхтөн сонсоогүй, мэдээгүй олон он жилүүд өнгөрчээ.

Тэнд дэлбэрэлт болсноос 5 хоногийн дараа буюу 1986 оны 5 сарын 01-ний өдөр л Зөвлөлт засаг тэсрэлт болсон реактор хайлах процесс явагдаж байгаа аймшигт  мэдээ авчээ. Реакторт 185 тн цөмийн түлш байсан бөгөөд цөмийн урвал маш аюулт хурдтай явагдсаар байв. Яг үүний дор зузаан бат бэх бетон хавтангаар тусгаарлагдсан 5 сая галлон усан хураагуур байсан. Радио идэвхит халуун хайлмаг тэр бетон хавтанг идсээр байлаа.

Хэрвээ халуун хайлмаг бетон хавтанг идэж шүүрэн усанд хүрвэл асар хүчтэй цөмийн уурын дэлбэрэлт болж, нөгөө үлдсэн 3-н реакторын блокийг хамран гинжин урвал хоромын төдийд явагдаж 2 дахь дэлбэрэлтээр Европын тал, Оросын зүүн хэсгийг устган сүйрүүлж, 500 орчим жил амьдралгүй сарны гадарга шиг болох байсан хэмээн Зөвлөлтийн физикчид болон олон орны эрдэмтэд тооцоо дүгнэлт хийсэн байдаг.

Асар хүчтэй 2 дахь дэлбэрэлт болох аюултай уралдан цаг алдалгүй инженерүүд яаралтай хуралдаж энэ аюулт гай гамшигаас аврах төлөвлөгөөг боловсруулсан байна. Энэ нь дэлбэрсэн 4-р реакторыг живүүлсэн цацраг идэвхит түлш ууссан усан камераар дамжин бассейн руу орж 2 клапан нээлхийг онгойлгож усыг бүрэн юүлэх ажиллагаа байлаа. Амиа золиослох энэ ажиллагаанд 3 инженер явах шаардлагатай, нэг нь харанхуй усны гүнд гэрэл тусгах, нөгөө 2 нь клапангуудыг эрэн олж нээх үүрэгтэй байв. Ингээд 3-н инженер өөрийн хүсэлтээр үхлийн ус руу шумбаж, онц аюултай нөхцөлд онцгой даалгавар амжилттай гүйцэтгэж сая сая амьдралыг аварсан байна.

Тэр гурван инженер онцгой ажиллагааны дараа уснаас гарч ирээд радиацийн нэвт хордлогоор удалгүй нас барсан байна. Тэдэнд зориулсан гэрэлт хөшөөг Чернобыльд босгожээ. Тэнд хэн очиж үзэж хүндлэх дурсах билээ дээ. Харин Москва, Киев, Минск хотуудад хөшөөг нь босгосон бол, гэхдээ тэр үед нөгөө л улсын нууц байсан бизээ.

Манай гаригийн сая сая оршин суугчдын амь нас эрүүл мэнд, экологийн аймшигт аюулаас аварсан 3 инженер: Алексей Ананенко, Валерий Беспалов, Борис Баранов.

Ай хөөрхий Инженерүүд ээ гэж.

‍